ရခိုင်ပြည်နယ် ရွေလှေသပြုချိုင်အရပ်မှာ ဒီကနေ့ မနက်ပိုင်းက အကြမ်းဖက်အုပ်စုတစုက မီးတင်ရှို့လို့ အိမ်ခြေ ၁၄ လုံး မီးလောင်ကျွမ်းခဲ့တယ်လို့ ခရိုင်အုပ်ချုပ်ရေးမှူး ဦးထွန်းဝေက ဒီဗွီဘီကို ပြောပါတယ်။
ဒီမီးရှို့မှုကို ရဲတပ်ဖွဲ့က မနက် ၁၁ နာရီခန့်မှာ သေနတ်ပစ်ခတ်ဖြိုခွဲလို့ လူစုကွဲသွားတယ်လို့ ပြောပါတယ်။
ထိခိုက်မှုအခြေအနေကိုတော့ မသိရသေးပါဘူး။ ဖမ်းဆီးထိန်းသိမ်းမှုတွေနဲ့ ပတ်သက်လို့တော့ ဆောင်ရွက်ဆဲဖြစ်တယ်လို့ သူက ပြောပါတယ်။
ပြီးခဲ့တဲ့ စက်တင်ဘာ ၂၉ ရက်နေ့ကလည်း သံတွဲမြို့မှာ ဦးခင်မောင်ရဲ့အိမ်တလုံးနဲ့ ဦးသာနိုးအောင်ရဲ့ အိမ်တလုံး မီးရှို့ခံခဲ့ရသလို မွတ်စလင်တချို့ရဲ့ အိမ်တွေ ခဲပေါက်ခံကြရပါတယ်။ မီးတင်ရှို့မှုဟာ တယောက်နဲ့ တယောက် အချင်းများရာကနေ ဖြစ်ပွားတာဖြစ်ပြီး ဘာသာရေး အဓိကရုဏ်းမဟုတ်ဘူးလို့ ဦးထွန်းဝေက ပြောပါတယ်။
သံတွဲခရိုင်မှာ လွန်ခဲ့တဲ့ နှစ်လကျော်ခန့်ကလည်း မွတ်စလင်တွေရဲ့အိမ်တွေကို အလားတူမီးရှို့ကြလို့ ညမထွက်ရအမိန့် ထုတ်ပြန်ထားပါတယ်။ အဲဒီတုန်းက မီးရှို့မှုနဲ့ ဆက်စပ်တဲ့ လူငါးဦးကို ဖမ်းဆီးရုံးတင်တရားစွဲဆိုထားပါတယ်။
by အေးနိုင် (ဒီဗွီဘီ)
Subscribe to:
Post Comments (Atom)
No comments:
Post a Comment